Հայկական լեռնաշխարհի հնագիտական պեղումները ցույց են տալիս, որ խաչազարդ պատկերներ հայտնաբերվել են բազմաթիվ պեղածոների վրա` շենքերի որմեր, կավե անոթներ, մեդալյոնների զարդանկարներ, զգեստների քղանցքներ, բրոնզե գոտիներ և այլն: Խաչը կարևոր դեր է ունեցել հայոց հին հավատալիքներում: Հնագույն թագավորներն իրենց կրծքին կամ պարանոցին ոսկյա խաչ են կրել՝ որպես աստվածային նշան, խաչերով են զարդարել նաև իրենց զգեստները: Վաղ ժամանակներում ոսկյա խաչը զարդ է համարվել, հետագայում` իր մեջ խորհրդավորություն է պարունակել:
Ոսկյա խաչի խորհուրդը
Ոսկյա խաչը այսօր մոդայիկ զարդ կամ թալիսման չէ, այն կարևոր խորհուրդ ունի քրիստոնեության մեջ: Խաչը հավատքի խոստովանությունն է: Հայը խաչապաշտ ժողովուրդ է, և մեծ է հարգանքը, հավատն ու սերը օրհնված և օծված խաչի հանդեպ:
Ոսկյա խաչն անհրաժեշտ նախապայման է մկրտության համար: Մկրտությունը կամ կնունքը մարդու հոգու ծնունդն է, նոր մարդու վերածնունդը: Կնունքի խաչը հաղթանակի, պտղաբերության, փրկիչ ու կենարար զորության խորհուրդ ունի: Հավատացյալի համար պարանոցին ոսկյա խաչ կրելը կարևորագույն նախապայման է. ելնելով հնարավորությունից կամ նախասիրություններից՝ մարդկանցից շատերն ընտրում են ոսկյա խաչը, մյուսներն՝ արծաթե, մի մասն էլ` փայտե:
Ինչպես ընտրել խաչ
Խաչ - կախազարդ ընտրելիս հարկ է նկատի ունենալ, որ պարզ և էլեգանտ խաչերը հարմար են մշտապես կրելու համար` հագուստի տակից, բիզնես կամ ամենօրյա միջավայրում: Ակնապատ, կերամիկական ձևավորմամբ, գունազարդ ոսկյա ձուլվածքներով կամ խոշոր զարդանախշերով խաչերն ինքնատիպ և համահունչ են նայվում երեկոյան միջոցառումների ժամանակ:
Այսօր շատերն են կրում ոսկյա խաչ` նրբագեղ զարդանախշերով, տարբեր քարերով պատված: Յուրաքանչյուրն այսօրվա շուկայում կարող է գտնել իր ճաշակին հարմար խաչ: Հետաքրքիր ու բազմազան, քառաթև, հրաշագործ կախազարդերի ամենամեծ տեսականին է առաջարկում ոսկերչական իրերի օնլայն վաճառքի iGold կայքը: Մեր օնլայն ոսկու շուկայում կարող եք գտնել և պատվիրել Ձեր նախընտրած ոսկյա կամ այլ մետաղից պատրաստված խաչը՝ ցանկացած ապրանքանիշի, հարգի, քաշի, չափի, գույնի, ձևի, թանկարժեք քարերով, շղթայի հետ միասին կամ առանց դրանց, ինքնատիպ ձևավորմամբ, նորաձև և ոճային:
Փոքրիկ խաչեր երեխաների համար, նուրբ խաչեր բարձրաճաշակ կանանց և անհատականությունն ընդգծող ոսկյա խաչեր տղամարդկանց համար. ազնիվ մետաղներով քառաթև կախազարդի սիրահարներն արդեն ընտրության մեծ հնարավորություն ունեն Հայաստանում: Նորօրյա մտահղացումները շունչ և ձև են ստանում հմուտ ոսկերիչների ձեռքերում: Ժամանակներն արագ են զարգանում նաև ոսկերչության ոլորտում. Հայաստանի ամենափորձառու վարպետներն ամեն օր կերտում են նոր գործեր, որոնք ներկայացնում է iGold կայքը: Այստեղ առկա ոսկյա խաչերի բազմազան, յուրահատուկ և շքեղ տեսականուց հնարավոր է ընտրել հրաշալի զարդ, որը կարող եք կրել ինքներդ կամ նվիրել Ձեր սիրելիներին: