Ամուսնական մատանիներ
Ամուսնական կալցո
Հարսանիքի ժամանակ կլոր ամուսնական մատանիով փոխանակվելը հին ու բարի սովորույթ է: Այն հարսանեկան արարողության ամենագեղեցիկ ծեսն է, որը խորհրդանշում է երջանիկ ու երկար համատեղ ամուսնական կյանքի սկիզբը:
Մատանի կրելու ավանդույթը
Մատանի բառը ծագել է հին սլավոներեն կոլո բառից. այն պետք է անընդմեջ կրեր կինը, որը սպասում էր երեխայի: Մատանին՝ որպես ընտանիքի կայացման սիմվոլ, առաջինը սկսել են կիրառել հին եգիպտացիները՝ իմանալով, որ ձախ ձեռքի չորրորդ մատը (այն հետագայում կոչվեց մատանու մատ) անմիջականորեն, շատ նուրբ նյարդով կապված է սրտի հետ:
Հետաքրքրական է, որ հին Հռոմում տղամարդը ամուսնական մատանին տվել է ոչ թե իր կնոջը, այլ՝ կնոջ ծնողներին, ի նշան հարգանքի և հոգատարության: Դա հարսի գնման մի յուրօրինակ ծես է եղել:
Ահա այսպիսի ավանդույթների և ծեսերի հաղթահարման փուլերից հետո ամուսնական մատանին ձեռք է բերել այն իմաստը, ինչպես հիմա ընկալվում է շատերի կողմից:
Ամուսնական մատանին այսօր
Ինչպես գիտենք, ժամանակի հետ փոխվում են բոլոր սովորույթները: Հարսանեկան սովորույթները ևս փոխվել են: Դրա վառ ապացույցն է ամուսնական մատանու դիզայնի փոփոխությունը: Դասական հարթ ամուսնական մատանին այժմ էլ օգտագործվում է այնպես, ինչպես հնում: Բայց նորաձևության թելադրանքով ժամանակակից դիզայներները հարսի և փեսայի համար այնպիսի նմուշներ են ստեղծում, որոնք համահունչ տեսք ունեն և լրացնում են իրար: Մատանու վրա կարող է փորագրվել զույգի անունը, ամուսնության օրը կամ որևէ խորհրդանիշ:
Վերջերս մեծ պահանջարկ են ստացել նաև ադամանդյա քարերով ոսկյա մատանիները, որոնք, իհարկե, մնացածների հետ համեմատ, ավելի թանկարժեք են: Ինչ նախշերով էլ լինի կամ ինչ թանկարժեք քար էլ կրի ամուսնական մատանին իր վրա, միևնույնն է, այն մնալու է ամուսնական նոր կյանքի, սիրո խորհրդանիշը և ամեն անգամ նայելիս հիշեցնի, որ սիրում և սիրվում եք Ձեր կողակցի կողմից: