Կանացի ոսկյա մատանիներ

Հայկական ավանդական զարդեր կրելու ավանդույթը ներկայումս դարձել է արդիական : Այսօր հաճախ կարող ենք հանդիպել հնատիպ զարդեր կրող աղջիկների և կանանց: Ժամանակակից ոսկերիչները, ավանդական հնատիպ զարդերից ոգեշնչված, պատրաստում են կանացի ոսկյա մատանիներ, վզնոցներ, ապարանջաններ և այլ զարդեր:

Պատմական ակնարկ

Կանացի ոսկյա մատանիները նորաձև են եղել դեռևս քարե դարում։ Հին Եգիպտոսում մատանիների վրա պատկերել են կենդանիներ, թռչուններ, փորագրել արձանագրություններ։ Փորագրված ոսկյա մատանիները նաև հայկական մշակույթի տարր են կազմել:

Նախկինում զարդը ավանդական մշակույթի մաս է հանդիսացել և արտահայտել կրողի աշխարհայացքը, սոցիալ-ընտանեկան, սեռատարիքային կարգավիճակը և ունեցել մոգական նշանակություն: Օրինակ` չամուսնացած աղջիկներին աջ ձեռքին ոսկյա մատանի կրել չէր թույլատրվում: Կանայք ավանդաբար զարդեր կրել են չար ուժերից պաշտպանվելու համար՝ դրանք ասոցացնելով նաև պտղաբերության հետ:

Ոսկյա մատանիների նշանակությունը

Հայերի և շատ այլ ժողովուրդների մոտ ոսկյա մատանին զույգերի միության խորհրդանիշ է հանդիսանում: Սովորաբար ամուսնական մատանիները պատրաստվում են ոսկուց: Վերջինս անսահմանության և հավերժ սիրո նշան է, իսկ ազնիվ մետաղը՝ ոսկին, խորհրդանշում է մաքրություն և անարատություն:

Կանացի ոսկյա մատանիները, բոլոր ժամանակներում լինելով պահանջված զարդատեսակ, այսօր էլ շատ կանանց ու աղջիկների հարդարանքի անբաժանելի մասն են կազմում: