Մարդու կրած զարդը շատ բան է պատմում նրա մասին: Նայելով զարդին՝ կարելի է գլխի ընկնել այն կրողի բնավորություն, ճաշակի, հնարավորությունների մասին: Օրինակ՝ փոքրիկ ոսկե օղեր կրում են զգացմունքային կանայք: Կամ՝ մեծ քարով մատանի սիրում են կրել իրենց հետ հաշտ կանայք:
Ոսկյա շղթաների մասին
Ուսումնասիրություն կա նաև ոսկե շղթա կրող կանանց մասին. ասում են` բարակ ոսկյա շղթա կրում են հանգիստ ու զուսպ բնավորություն ունեցողները, իսկ մեծ ոսկե կախազարդ նախընտրում են իրենց մասին բարձր կարծիք ունեցող կանայք: Թանկագին մետաղից ձուլված շարանը (դեղին, սպիտակ, վարդակարմիր ոսկուց) սիրում են իրենց պարանոցին և բազկին կապել թե΄ կանայք, թե΄ տղամարդիկ, հատկապես՝ երիտասարդները: Ոսկե շղթայաշարի նախշերն ու հյուսվածքները տարեցտարի կատարելագործվում են հմուտ ոսկերիչ վարպետների ձեռքերում և ամեն անգամ նորովի ներկայացվում շղթաների սիրահարներին: Ճաշակով շղթաները մարդուն ինքնատիպ են դարձնում, ընդգծում նրա հմայքը, գեղեցկությունն ու անհատականությունը, ամբողջացնում նրա կերպարը, ցույց տալիս կարգավիճակը, ներշնչում ինքնավստահություն: Այսօր շղթաների շուկան ներկայանում է հարուստ ու բազմազան տեսականիով, որին կարող եք ծանոթանալ iGold օնլայն ոսկյա շուկայում:
Նորաձև շղթաներ
Ոսկերիչները, ակնագործներն ու դիզայներները սերտ համագործակցության արդյունքում նոր, արժեքավոր, օրիգինալ ու հրաշալի արվեստ են կերտում: Այս տարի նորաձև են բարակ, բազմաշերտ ձուլվածքով և նուրբ կախազարդով շղթաները, սակայն դասական ոճի շղթան երբեք նորաձևությունից դուրս չի գալիս և պահանջված է բոլոր ժամանակներում, հարմար` ամենօրյա, տոնական և աշխատանքային օրերին ամենատարբեր կուլոններով կրելու համար: Վերջին շրջանում մոդայիկ են նաև անվանական կախազարդով շղթաները: iGold կայքում առկա բազմաոճ խանութները ընտրության մեծ հնարավորություն են ընձեռում ոսկու սիրահարների համար` առաջարկելով նրբագեղ ու բարձրակարգ շղթաներ: Մեր կայքում կարելի է պատվիրել նաև ցանկացած գույնի, քաշի, երկարության, մետաղի բաղադրության և հյուսվածքի ամուր շղթաներ անմիջապես արտադրողից: