/

Նշանադրության մատանիներ

Ցուցադրել 20 60 100
Ցուցադրել 20 60 100

Ամուսնությունը յուրաքանչյուրի կյանքում ամենակարևոր իրադարձություններից է, և դրա ճանապարհին պատասխանատու քայլ է նշանադրությունը: Այն խորհրդանշում է երկուսի միության ու մի ամբողջ կյանք տևող ճանապարհի սկիզբը: Իսկ նշանադրության գլխավոր խորհրդանիշը, ըստ դարավոր ավանդույթի, համարվում է նշանադրության մատանին, որը տղան նվիրում է աղջկան՝ դրա հետ միասին նվիրելով նաև իր սիրտը: iGold կայքում Դուք կարող եք գտնել նշանադրության մատանիների լայն տեսականի՝ համապատասխան Ձեր ճաշակին և հարմար գրպանին:

Ինչպես ընտրել նշանադրության մատանի

Նշանադրության մատանին պարզապես սովորական նվեր չէ, այն մեծ խորհուրդ ունի իր մեջ: Նշանադրության մատանու միջոցով է արվում հարաբերությունների պաշտոնականացման առաջին լուրջ քայլը: Կյանքում այդ պահն ամենահիշարժաններից է հատկապես աղջիկների համար, ովքեր ամեն անգամ այդ մատանուն նայելիս` սիրով կմտաբերեն միասին անցկացրած օրերը: Նշանադրության մատանի գնելը նշանադրության նախապատրաստության կարևորագույն գործերից մեկն է: Եթե ցանկանում եք անակնկալ նվեր անել, պետք է մինչև գնելը նախ ճշտել ապագա հարսնացուի մատի չափսը և առավելություն տալ նրա նախասիրություններին ու ճաշակին: Եթե որոշել եք նշանդրեքի մատանու ընտրությունը նրա հետ անել, ապա համարեք, որ կարևոր և հաճելի գործի կեսն արված է: Ասում են` նշանադրության մատանին պետք է ազնիվ մետաղից լինի, հատկապես՝ սպիտակ, դեղին կամ կարմիր ոսկուց և թանկարժեք քարե գլխիկով: Սա մատանու ավանդական կամ դասական տարբերակն է, այն գեղեցիկ է նայվում ինչպես հարսանեկան մատանու հետ միասին, այնպես էլ՝ առանձին: Մատանու վրայի քարը ևս կարող է շատ բան հուշել, ասենք՝ ռուբինը, որն ունի կարմիր գույն, սիրո խորհրդանիշ է, զմրուխտը՝ կայունության, սապֆիրը՝ համբերատարության, և այլն: Սակայն նշանադրության մատանու ավանդական զարդը ադամանդն է: Ըստ ավանդության՝ այն խորհրդանշում է զույգերի հավերժական, մաքուր և անկեղծ հարաբերությունները: Ադամանդով ոսկյա մատանին համարվում է նշանադրության մատանու դասական ու երբեք ակտուալությունը չկորցնող զարդ: Եթե չգիտեք՝ ինչպիսի մատանի նվիրել Ձեր սիրելիին, այս տարբերակը միանշանակ նրան դուր կգա: Երիտասարդները յուրահատկություն և նշանադրության խորհուրդ են տեսնում նաև ժամանակակից այլ ոճի մատանիների մեջ:

Եզակի ու չկրկնվող զարդեր՝ միայն iGold կայքում

Այն զույգերը, որոնք ցանկանում են լինել յուրահատուկ, ունեն ընտրության լայն հնարավորություն: Դուք կարող եք ընտրել iGold կայքում առաջարկվող բազմաթիվ ու բազմապիսի տարբերակներից Ձեզ դուր եկածն ու հոգեհարազատը, ինչը ամենամոտն է Ձեր ոճին, և լինել անկրկնելի: Մեր կայքում առկա են նշանադրության մատանիների այնպիսի տարբերակներ, որոնք Դուք չեք կարող գտնել որևէ այլ կայքում: Մեզ մոտ Դուք հաստատ կարող եք կատարել ճիշտ ընտրություն, քանի որ iGold կայքի տեսականին ամենամեծն է Հայաստանում. այստեղ ներկայացված են ոսկյա զարդերի լավագույն վաճառողները: Դարձրեք Ձեր տոնը ավելի շքեղ և պարգևեք լավագույն նվերը Ձեր սիրելիին՝ iGold կայքի կողմից առաջարկվող լավագույն ոսկյա զարդերով: