/
Ցուցադրել 20 60 100
Ցուցադրել 20 60 100

Յուրաքանչյուր մարդու կյանքում մեծ խորհուրդ ունի ամուսնությունը: Այն միացնում է մարդուն իր կեսի հետ, կապում է անբացատրելի ու անբաժանելի թելերով, երկնային ու երկրային միջոցներով: Եվ եթե երկնային կապը հաստատվում է միայն սիրո զգացմունքով, ապա երկրային արտահայտչամիջոցներն ավելի նյութական են, ու դրանց շարքում առաջնային դեր ունի ամուսնական մատանին: Ավանդաբար դեղին ոսկուց պատրաստվող ամուսնության այս խորհրդանիշը այսօր ունի շատ տարբերակներ՝ կլոր, քառակուսի, ոսկյա, պլատինե և արծաթե. ընտրությունը բազմազան է: iGold կայքում Դուք անպայման կգտնեք Ձեզ համապատասխան ամուսնական մատանի:

Ամուսնական մատանիների տեսակները

Ամուսնական մատանու դասական ձև է համարվում կլոր, 750 հարգի դեղին ոսկուց (червон) պատրաստված մատանին: Սակայն ժամանակակից նորաձևությունն առաջարկում է ամուսնական մատանիների ամենատարբեր տեսակներ՝ կարմիր կամ սպիտակ ոսկուց, զարդանախշերով, տարբեր գրվածքներով ու փորագրություններով, անգամ՝ ամուսինների մատնահետքերով: Այս ամենը Դուք կարող եք գտնել iGold օնլայն ոսկու շուկայում, որտեղ ներկայացված են տարատեսակ գեղեցիկ ու ինքնատիպ ոսկյա զարդեր Հայաստանի ոսկերիչների կողմից: Ձեր կյանքի ամենակարևոր քայլը սկսեք մեր կայքից և համոզված եղեք, որ կկատարեք ճիշտ ընտրություն:

Հարսանիքից առաջ գրեթե ոչ ոք ժամանակ չունի այցելելու ոսկու խանութ և երկար-բարակ ընտրություն կատարելու: iGold կայքը ազատում է Ձեզ այդ ժամանակատար պրոցեսից. ընդամենը մուտք գործեք մեր կայք, և Ձեր առջև կբացվի Հայաստանում առկա ամենամեծ ոսկու շուկան: Ձեզ մնում է միայն ընտրել Ձեզ դուր եկող ամուսնական մատանին:  

Մատանիների պատմությունը

Ոսկյա մատանիներ կանայք կրել են դեռևս քարե դարում։ Հին Եգիպտոսում մատանիների վրա պատկերել են կենդանիներ, թռչուններ, փորագրել արձանագրություններ։ Փորագրված մատանիները նաև հայկական մշակույթի տարր են կազմել:

Նախկինում զարդը ավանդական մշակույթի մաս է հանդիսացել, արտահայտել է կրողի աշխարհայացքը, սոցիալ-ընտանեկան, սեռատարիքային կարգավիճակը, ունեցել է մոգական նշանակություն: Օրինակ` աջ ձեռքին ոսկյա մատանի կրել չէր թույլատրվում չամուսնացած աղջիկներին, իսկ կանայք կրել են օձակերպ մատանիներ, որոնք օգնել են նրանց զերծ մնալ վնասաբեր ազդեցությունից, ինչպես նաև՝ հմայք և գեղեցկություն են հաղորդել նրանց արտաքին տեսքին: